| Movimiento Autónomo de Mujeres denuncia persecución en Nicaragua Ri Ixoqi' xiki b'ij chi yalan ye tzaqalb'ex kela' Nicaragua Ri aj moloy ixoqi' ri xe k'alun pa Foro Social de las Américas pa Iximulew, xiki b'i chi ri Policía Nacional ruchin Nicaragua, xe' ok ruk'in kachu'q'a' pa ki choch ri ixoqi' par i jun amaq' re'. Xiki b'ij chi ri policía xe ok pa ki choch akuchi' ye samäj we po majun jun wuj ri nu b'ij chi yare' k'o chi ni b'anatäj. Patricia Orozco, kachb'il ri Movimiento Autónomo de Mujeres, xu b'ij chi ri yare' xb'anatäj "ruma xa kan ye tzaqalb'en ri ixoqi' re' ruma Niki mol ki'". Orozco xu k'ut chi ri nim ru q'ij ri aj k'amol ru b'ey ri amaq' Daniel Ortega, nu tzaqalib'ej ri ixoqi' re xa ruma xa kan k'o jun tzijol chirij chi ruya' xq'ax ruk'in ru yejma'al ru b'i' Zoilamérica Narváez. Chuqa', ri Movimiento Autónomo de Mujeres xu k'ut chi ri aj k'amol ru b'ey ri amaq' re' xu b'ij ruk'in jun wuj pa 2007 chi yeru nim pa che' ri ixoqi' ri Niki lesaj el kalk'wal. Orozco xu nataj chi ri jun Chojm re' xu chäp rij samaj pa 2006, töq xa kan xq'ax yan 170 juna' chi majun k'o ta yare' chojm. Ru k'in jun tzij chïk, ri ixoq re' xu tzijoj chi chuqa' xe'ok chupan ri Centro de Estudios de Comunicación, chuqa' ri Coordinadora Civil de Organizaciones no gubernamentales chuqa' ri Colectivo de Mujeres de Matagalpa xiki k'ul jun wuj ri nu b'ij chi xa kan ye' apon yanchiki choch. " Ri winäq ri ye tzijon chirij ri man utz ta' samaj najin nu b'än ri aj k'amol ru b'ey ri amaq' najin ye tzaqlib'ex kela' Nicaragua". Xu b'ij Orozco. (PÚLSAR) al Traducción: Herber Morales |
¡Todo sobre Amor y Sexo!
La guía completa para tu vida en Mujer de Hoy:
http://mx.mujer.yahoo.com/
No hay comentarios:
Publicar un comentario