| Gran marcha cierra el Foro Social de las Américas en Guatemala Jun nim laj b'i'inem xu tz'apij ri Foro Social de las Américas en Guatemala Ruk'in jun yalan nim laj b'i'inem xiki tz'apij yare' domingo ri 3º Foro Social de las Américas pa ri tinamït ruchin Iximulew. Chupan ri tz'apinel xsik'ïx ruwäch jun wuj ri nu tzijoj ri ki b'anik ri aj moloy winäq pa wach'ulew. Ri moköl xchapatäj rij nimaq'a' yan pa Iximulew, xchapatäj rij pa Obelisco pa armita xk'is pa Parque Central nik'aj q'ij. Ri b'i'inem kichin ri mayab' winäq, aj samajela', ri q'eq taq winäq, ri ixoqi', konojel, xiki sik'ij ruwäch jun wuj ri nu tzijoj ri ki b'anik ri aj moloy winäq mayab' ruchin ri Abya Yala. "Najin niqa tzu' jun ramaj yalan nim ru q'ij chupan ri qa k'aslemal. Chupan taq q'ij re' najin nu k'ut ri' ri man utz ta' ru b'ey ri "capitalismo" yare' xa kan qa b'in pe k'o chik q'ij" nu b'ij ri wuj. "ma xe ta' noj tzijon chirij ri ru qasanik ri rachu'q'a' ri pöq, chuqa' ri rikil qa way, ri aj ya'oj q'aq', ri qa wach'ulew, chuqa' ri utz qa b'anikil winaqi'", nu Saq'ijrisaj ri wuj ri nu ya' chuqa' kachuq'a' ri winaqi' aj Bolivia ri niki wajo' ni k'axatäj ki amaq'. Ri wuj re' chuqa' un k'atuj chi yalan ni k'atzin chi ni b'anox jun jachanïk junan ruwäch chare ri ulew chiki wäch näjel winäq pa América latina, chuqa' nu k'atuj chi k'o chi ni loq'oq'ex . Ri jun wuj re' man utz ta' nu tzu' ri " Iniciativa Mérida, ri Plan Colombia, ri ASPAN, las bases militares, ri Escuela de las Américas chuqa' ri Cuarta Flota. "Niqa chiqa wäch ri jun na'oj ri niqa to' qi' chiqa wäch qonojel, chuqa' niqa tun qi' rik'in ri Alternativa Bolivariana para los Pueblos de las Américas (ALBA) niqa wajo' yoj samäj kik'in, yoj samäj e niqa chäp rij chuxe' nojel". Xu tz'aqataj ri wuj ri xsik'ix ruwäch pa Parque Central ruchin Armita. al Traducción: Herber Morales |
¡Todo sobre Amor y Sexo!
La guía completa para tu vida en Mujer de Hoy:
http://mx.mujer.yahoo.com/
No hay comentarios:
Publicar un comentario