AMARC GUATEMALA

"LA IDENTIDAD INDIVIDUAL Y COLECTIVA ES FUNDANTE PARA EL SER HUMANO"
RI QA B'ANIKIL JUJUN CHUQA' QONOJEL YALAN NIK'ATZIN CHIQE"

Jera' xu b'ij ri cineasta chuqa' aj b'anoy nima'q taq tzij aj Ecuador, Tania Hermidia, chupan ri tzijol ru b'i' "Culturas en resistencia", pa ri q'ij jueves pa ri Roro Social de las Américas pa tinamït Armita.

"Ri ch'oboj chirij ri qa b'anikil, jun ch'ob'oj yalan nik'atzin chiqe, manari' wawe' k'o chi niqa chäp rij e ma niqa ya' ta qan pa k'isbäl", xu b'ij ri cineasta chuqa' xu ban jun ch'ob'oj ru k'in Púlsar chirij ri k'ak'a constitución ruchin Ecuador.

ri aj b'anoy nima'q taq tzij aj Ecuador xu b'ij chi ri yalan nïm ru q'ij pa constitución yare' ruma ri "Ecuador etaman jun amaq' k'o k'iy ru amaq'il chuqa' k'iy ru b'anikil"

"Najin nqa k'ex ri ojer taq tzij ruk'in ri Estado Nación, akuchi k'o xa xe jun qa b'anïk, jun qa ch'abäl, jun qa k'ojlem, ni qa wajo' jun petik janila qa b'anïk", xu tzijoj ri aj b'anoy nima'q taq tzij, aj samajel chupan ri Comisión de Cultura.

"ki wetaman ri janila qa b'anïk chuqa' ri janila taq tinamït e k'o pa Ecuador, po chuqa' k'o chi neqa wetamaj chi yalan ni k'atzin jun ximoj chikikojol ri janila taq k'ojlem, jun samaj ruchin ye tzijon chikiwäch", xu b'ij Herminda chirij ri wuj ri xiki jäch ri xq'ax qa 28 ruchin septiembre"

"Ni k'atzin yoj el chupan ri ojer taq tzij ri xiki ya' ri kaxlan taq winäq pa waqulew, k'o chi yoj samäj chirij jun k'ak'a democracia qa chin ryoj". jera' xu b'ij.

"xiqa ya' nab'ey mul pa Ecuador ri taq chojm achi'el ri chojm ri yalan nim ruq'ij kichin ri winäq", xu b'ij.

"Ri chojm k'ojlemal xe tz'atox janipe ri yalan ru k'atzinel ruchin nik'iy ri winäq ruma xa man utz ta chik niqa tzu' achi'el jun etz'b'a'l", xu k'ïs ru b'ixïk Herminda.(PÚLSAR)


al
10/10/2008
traducción: Herber Morales